Rad u užem izboru za nagradu – Proliće.

         Proliće

Prišlo nan je proliće,

prneslo puno sriće.

Prišle su nan i rožice,

bit će vani puno dice.

Učka je još malo bela,

ona je lipa i vela.

Si su veseli,

mali i veli.

Gren se vani igrat,

a nakon toga spat.

                            Tin Petković

                 Moj zavičaj

Tu san se rodil

i prve korake storil.

Tu je lipo plavo more

zelene šume.

Judi imaju užance

i čuje se naš lipi ČA.

Tu je moj kamik

moj mili i najlipši zavičaj!

                               Moreno Mrvoš

       Visibaba

Va travici, va zemjici,  pupoljak mali viri.

Neč dole šapje, poveda o proleću.

Si čekaju prvu proletnicu.

Šapju i misle: “ Proleće će doć.”

Diže se visibaba.

Zija proleću:  “Vidi me, tu san! Dojdi i ti!“

Proleće spusti par kapi, udela dugu i u zagrljaj celom svetu dojde!

Spravi zimu, pozdravi je i su dicu z kući pozove van.

Si se vesele prvoj proletnici visibabi!

Ma je lipo proleće!

                                     Arijana Grginčić

        Moje ruke

Moje ruke nikad nisu na miru.

Ne slušaju jedna drugu.

Jedna reče:  “Ne pačaj se! “

Druga reče: “Baš ću!“

Onda skupa gredu kadi im ni mesto.

Čuje se: “ Petra čigovi su to prsti na torti?“

Nekad su vridne kada nose drva za oganj.

One su nježne kada grle mamu ili brata.

                                                         Petra Borovac

  More

Modro se more blešći na suncu.

Zgjedalo je kako da su va njen kristali i biseri.

Galebi su letili nad morem i lovili ribu.

Vetar je delal valove ki su se hitali na  vele grote.

Dica su veselo tekla po plaži.

Močila su ruke va hladno more.

Neka dica su hitala kamičiće va more.

Čul se veseli smih dice.

Niš nima lipše od našega mora!

                                   Laura Bilović

   Mačak

Moj se mačak jednega dana igral kako da ni normalan.

Skakal je, mjaukal, hital se…

Lovil je rep po celoj kući.

Hitil se zada peći,a onda skočil van.

Celi je tepih zigrebal.

Sad ga vidiš, sad ga ne vidiš ! Nered je delal!

I tako se dok ni šal van!

Ma sigurno se i vani igral.

Ma je bil smišan!

                                     Arijana Grginčić

                                          Voditeljica Čakavske grupe: Gordana Nađ